هذا هو الحب الحرام ؟
 |
| الحب الحرام |
سؤال سمعته من ساعة ما دخلت الفيس بوك ييجي 30 مرة
بس مكنتش عارف أرد
هل لما فلانة تحب فلان أو فلان يحب فلانة ده حرام؟؟
مجرد الشعور نفسه بالاعجاب حرام؟؟
طيب تيجي نسأل السؤال بطريقة تانية يمكن نعرف نحل
اللوغاريتم ده
اول تصرف بتعمليه لما بتحسي كدة ايه؟؟
طبعا بتجري تكلميه
طيب ده صح؟؟ حرام ولا حلال؟؟
طيب واحدة تانية هتقولك انا بحبة ومش بتكلم ومحدش يعرف
ده ينطبق على قوله تعالى : ” لا جناح عليكم فيما عرضتم به من
خطبة النساء أو أكننتم في أنفسكم…”
تمام يعني يجوز انه أحبه في سري ومن غير ما أقوله هو
شخصيا
انتي هتألفي؟؟
لا مش بألف والله
 |
| الحب الحرام |
هو الاحساس ده بيبقى بقصد
كل الناس في فترة المراهقة لازم تمر بده
طيب ازاي أحمي نفسي من الوقوع في الخطأ؟
تحطي لنفسك خط أحمر مش ممكن تخطيه
؟؟
كلام ………………. لا
تلميح …………….لا
تستنيه بقى وهو ماشي عشان تشوفيه (أفلام عربي ) ………لا
ده بعد الاستعانة بالله
وقولي لنفسك ” اليك يا زوجي حرست نفسي “
ياااااااااه على نظرة زوجك لما يعرف أنه الأول والأخير في
حياتك (ربنا يديه طولت العمر ) احساس رائع والله
وصدقيني الحب بدون ضوابط شرعية
يبقى زنـــــــــــا
فــ لية بقى ؟؟
 |
| الحب الحرام |
ادعي ربنا يجعله من نصيبك .. مش عيب والله انك تدعي كدة
وخلي عندك قناعة راسخة بأن الزواج رزق
ينفع تعصبي أبوكي وتطلبي المصروف؟؟
والله لو هتعملي ايه ماهو معبرك الا ما تصالحيه
ولله المثل الأعلى تعالى جل شأنه
اطلبي رزقه برضاه
أرجوكي حافظي على الجوهرة اللي جواكي للي يقدرها
ولو اتأخر مش مشكلة
أكيد المواصلات صعبة عاددي يعني بتحصل
بس هييجي ان شاء الله
 |
| الحب الحرام |
ليست هناك تعليقات:
إرسال تعليق